ذكريات العيد

أوشك العيد على القدوم ، والكل مشغول بالاستعداد له .
زمان قبل انت تدخل المدنية المفرطة علينا كانت العائلة كلها تجتمع لعمل كعك العيد(المعمول) يعني في المطبخ في خلية نحل هادي على الفرن خايفه على الكعكات احسن ينحرقوا او يتحمروا زياده، وهادي بتجاكر هاي وبتضرب بالقالب بقوة عشان يطلع صوت اعلى وتزعج اختها ،والصغار غلبانين بحالهم ياكلوا او يلعبوا بالعجين والتمر ،اما الام بتكون بالاغلب مو عاجبها شغل بنتها وبدها شي مرتب هاد بدو يتقدم لكل الضيوف ،و لا تنسوا ام فلان كعكاتها بجننوا وما شاء الله بناتها وكناينها معدلات.
اما الشباب ...اااااخ ...منهم شغالين اكل ويارت عاجبهم ، بس من طريقة بلعهم بتعرفي ان الكعك بجنن،وبعد ما بشبع الواحد بمحمل حاله وبروح على الحلاق خلص مو باقي وقت على العيد والبنات قدامهم حفلة تنظيف المطبخ وترتيب البيت .
وثاني يوم بتفوح رائحة القهوة و تختلط برائحة المعمول و ما في احلى من ان تقبل ايد امك وابوك وتقول لهم كل عام وانتم بخير والله يخليكم النا
كل عام وكلكم بخير
وكل سنة وانت طيبين

والله وأنت طيبة يا ست تسنيم وشكرا لك على هذا النفس الحلو بالكتابة .
:0024:

كل عام وأنت بألف خير غاليتي تسنبم وكل عام وجميع أسرتك فردا فردا بألف خير ..
ذكريات جميلة يا تسنيم أتمنى ألا تختفي مع مرور الأيام
شكرا لك وعيدكم مبارك وتقبل الله طاعاتكم .

العيد نصيبة من الطقوس أصبح يقل تدريجيا وهذا ما يجعل العيد يفقد الكثير من بهجته كل عام .
أختي الحبيبة تسنيم شكرا لك على هذه الخاطرة الجميلة وكل عام وأنت بألف خير .
:0027: